ОРЕНМИГРАНТ

АНО «Содружество народов Евразии»

Департамент молодежной политики Оренбургской области

Таҳсил дар Россия

Боғчаи бачагона, мактаб

Маълумоти миёна ва олӣ

Боғчаи бачагона, мактаб

Ҳуқуқ ва ӯҳдадориҳои

Кӯдакони шаҳрвандони хориҷӣ, ҳамчун кӯдакони шаҳрвандони Россия, ҳуқуқи ройгон рафтан ба боғчаҳои бачагона ва таҳсил гирифтан дар мактабро доранд.

Кӯдакон бояд дар Россия дар асосҳои қонунӣ қарор дошта, яъне корти муҳоҷиратӣ ва қайд дошта бошанд (дар қайди муҳоҷиратӣ қарор дошта бошанд).

Кӯдакони муҳоҷирони коркунанда – шаҳрвандони кишварҳои ИИАО (Арманистон, Беларус, Қазоқистон, Қирғизистон) – дар Россия дар асос ва муҳлати амали шартномаи меҳнатии волидайн қарор доранд.

Волидайни кӯдакони синну соли мактабӣ ӯҳдадоранд, ки кӯдакро ба мактаб диҳанд!

Кӯдакони шаҳрвандони хориҷӣ, ки ба синни 18 солагӣ нарасидаанд, ҳуқуқи дар ФР кор карданро надоранд!

Кӯдаконро ба боғчаи бачагона ва мактаб дар ҷойи будубоши муваққатии (қайди муҳоҷиратӣ/қайд) волидайни онҳо ҷой кардан лозим аст. Барои дохилшавӣ ба боғчаи бачагона ё ки синфи якуми мактаб ба МБФ – маркази бисёрфунксионалӣ дар ҷойи бақайдгирӣ муроҷиат кардан лозим аст.

Барои дохилшавӣ ба мактаб ба раёсати (шӯъбаи) маорифи маҳаллӣ муроҷиат кардан лозим. Алоқаҳои раёсати (шӯъбаи) маориф дар ҷойи истиқомати Шуморо дар сомонаи Вазорати маорифи вилояти Оренбург, дар қисмати «Мақомоти ҳудудӣ» донистан мумкин аст (minobr.orb.ru/about/territorial).

Ба шумо кӯдакро ба боғчаи бачагона ва мактаб пешакӣ ҷойгир карданро тавсия медиҳем: ҷамъкунӣ ба соли таҳсили оянда ва синфи якум дар феврал –апрел оғоз меёбад; ба синфҳои дигар – дар апрел – май.

Дар шаҳрҳо ва маҳалҳои аҳолинишини калон одатан дар боғчаҳои бачагона ҷой намерасад, барои ҳамин навбатҳо ҳосил мешаванд ва ба як ҷой дар гурӯҳ якчанд оилаҳо талабгор буда метавонанд. Агар дар боғчаи бачагонаи Шумо ҷойҳои холӣ набошад, кӯдаки шумо ба навбати қабул ба боғчаи бачагона гузошта ё ки ба боғчаи бачагонаи дигар, ки чойҳои холӣ дорад, равона карда мешавад.

Ҳуқуқи бартарияти ҷойшавӣ ба боғчаи бачагонаро кӯдакони шаҳрвандони хориҷии зерин доранд:

• дорои иҷозат ба иқомат;

• аъзоҳои оилаҳои серфарзанд;

• аъзоҳои оилаи кормандони боғчаи бачагона.

Агар волидайн ба мактаб муроҷиат карда бошанд ва ҷавоби рад гирифта бошанд, ба шӯъбаи ноҳиявии маориф муроҷиат бояд кард, дар он ҷо ӯҳдадоранд, ки дар яке аз мактабҳои ноҳия ҷой диҳанд.

Дар баъзе ҳолатҳо ҳангоми ҷойкунии кӯдак ба мактаб суҳбат бо омӯзгорон гузаронида мешавад, ки онҳо мууайян мекунанд, ки ӯ дар кадом синф хонад. Аз сабаби дониши нокифояи забони русӣ омӯзгорон ба кӯдак ба як синф поён рафтанро пешниҳод мекунанд, вале ин тарсовар нест.

Ҳуҷҷатҳои лозима барои ҷойгиркунии кӯдак ба боғчаи бачагона ва мактаб (нусхаҳои аслӣ ва нусхаҳо):

• шиносномаи кӯдак ва шиносномаи яке аз волидайн;

• шаҳодатнома дар бораи таваллуди кӯдак;

• корти муҳоҷиратии кӯдак ва яке аз волидайн;

• хабарнома дар бораи гузошта шудан ба қайди муҳоҷирати (қайди) кӯдак ва яке аз волидайн (дар он ноҳия, ки дар он кӯдак ба мактаб ё ки боғчаи бачагона меравад);

• корти муҳоҷиратӣ, ки аллакай дар кӯдак ҳаст;

• маълумотномаи тиббии шакли 026 ва сертификат оиди эмкуниҳо (пулакӣ дар дармонгоҳҳои тиббии кӯдакона ба расмият дароварда мешавад);

• парвандаи шахсии кӯдак аз мактаби пешина (агар ӯ аллакай хонда бошад).

Одатан инчунин тарҷумаи ба таври нотариалӣ тасдиқгардидаи ҳуҷҷатҳо ба забони русӣ талаб карда мешавад, баъзан полиси тиббии кӯдакро талаб карда метавонанд.

Агар кӯдак барои омӯзиш дар мактаб омода набошад, забони русиро хуб надонад, бо кӯдакон душвор муошират кунад, ба китобхонаҳои кӯдаконаи дар амаликунии лоиҳаи «Дарси русӣ» муроҷиат кардан мумкин аст:

Китобхонаи полиэтникии кӯдаконаи вилояти Оренбург:

Китобхонаи кӯдаконаи №19 ш. Оренбург:

Китобхонаи марказии кӯдаконаи Орск ба номи Ю. Гагарин:

Китобхонаи марказии моделии кӯдакона:

Ҳуҷҷатҳои лозима барои ҷойгиркунии кӯдак ба боғчаи бачагона ва мактаб (нусхаҳои аслӣ ва нусхаҳо):

• шиносномаи кӯдак ва шиносномаи яке аз волидайн;

• шаҳодатнома дар бораи таваллуди кӯдак;

• корти муҳоҷиратии кӯдак ва яке аз волидайн;

• хабарнома дар бораи гузошта шудан ба қайди муҳоҷирати (қайди) кӯдак ва яке аз волидайн (дар он ноҳия, ки дар он кӯдак ба мактаб ё ки боғчаи бачагона меравад);

• корти муҳоҷиратӣ, ки аллакай дар кӯдак ҳаст;

• маълумотномаи тиббии шакли 026 ва сертификат оиди эмкуниҳо (пулакӣ дар дармонгоҳҳои тиббии кӯдакона ба расмият дароварда мешавад);

• парвандаи шахсии кӯдак аз мактаби пешина (агар ӯ аллакай хонда бошад).

Одатан инчунин тарҷумаи ба таври нотариалӣ тасдиқгардидаи ҳуҷҷатҳо ба забони русӣ талаб карда мешавад, баъзан полиси тиббии кӯдакро талаб карда метавонанд.

Агар кӯдак барои омӯзиш дар мактаб омода набошад, забони русиро хуб надонад, бо кӯдакон душвор муошират кунад, ба китобхонаҳои кӯдаконаи дар амаликунии лоиҳаи «Дарси русӣ» муроҷиат кардан мумкин аст:

Китобхонаи полиэтникии кӯдаконаи вилояти Оренбург:

Китобхонаи кӯдаконаи №19 ш. Оренбург:

Китобхонаи марказии кӯдаконаи Орск ба номи Ю. Гагарин:

Китобхонаи марказии моделии кӯдакона:

Маълумоти миёна ва олӣ

Ҳангоми убури сарҳади ФР дар корти муҳоҷиратӣ мақсади вуруд ба зери «работа» (кор) хат кашед. Агар шумо мақсади таҳсил дар шӯъбаи ғоибона ё ки бегоҳиро доред, вале бо ин дар ФР доимӣ кор карданӣ бошед – дар ин ҳолат ба мақсади вуруд «работа» (кор) хат кашидан лозим аст.

Ҳар як шаҳрванди хориҷӣ баъд аз омадан ба Россия ӯҳдадор аст, ки дар ҷойи будубоши аслиаш дар ҳисоби муҳоҷиратӣ истода бошад. Хабарнома оиди омадан ҳуҷҷати тасдиқкунандаи будубоши қонунии шумо дар Россия мебошад.

Шаҳрванди хоричӣ ӯҳдадор аст, ки ба қайди муҳоҷиратӣ дар ҷойи будубош дар муҳлати на дертар аз 7 рӯзи корӣ; шаҳрвандони давлатҳо-аъзоёни ИИАО (Арманистон, Қазоқистон, Қирғизистон) - 30 рӯз; шаҳрвандони Тоҷикистон - 15 рӯз; шаҳрвандони Беларус ва Украина – 90 рӯз истанд.

Гузоштан ба қайди муҳоҷиратиро чӣ тавр бояд ба расмият даровард:

• Агар шумо дар хобгоҳ истиқомат кунед - ба коменданти хобгоҳ ё ки шӯъба оид ба кор бо донишҷӯёни хориҷии муассисаи таҳсилотии худ муроҷиат кунед.

• Агар шумо дар утоқи иҷоравӣ истиқомат кунед - ба соҳибмулк ё ки иҷорадиҳандаи манзили истиқоматӣ муроҷиат кунед ва бақайдгузории муҳоҷиратиро дар шӯъбаҳо оид ба масъалаҳои муҳоҷиратии мақомоти ҳудудии ВКД Россия дар сатҳи ноҳиявӣ ба расмият дароред.

Муҳлати баҳисобгирии муҳоҷиратии донишҷӯёни хориҷии шакли рӯзона ва рӯзона-ғоибона мунтазам ба тамоми муҳлати омӯзиш мутобиқи дархости муассисаи таҳсилотӣ дароз карда мешавад.

МУҲИМ АСТ! Баъд аз ҳар вуруд ба Россия ва ивази ҷойи будубоши аслӣ дар Россия гузоштан баҳисобгирии муҳоҷиратиро ба расмият даровардан лозим аст.

Агар ба шумо барои будубош дар ҳудуди Россия раводид лозим шавад:

Тамдиди раводид - ин протседураест, ки барои тамдиди қонунияти будубоши шумо дар ҳудуди Россия ба муҳлати то 1 сол имкон медиҳад. Раводиди яккаратаа ва бисёркаратаи корӣ ва таълимиро тамдид кардан мумкин аст. Барои тамдиди раводид ба шумо омода кардани пакети пурраи ҳуҷҷатҳо ва шахсан пешниҳод кардани онҳо ба Раёсат оид ба масъалаҳои муҳоҷирати РВКД Россия дар вилояти Оренбург на дертар аз 20 рӯзи тақвимӣ то анҷоми муҳлати амали раводиди амалкунанда лозим аст.

Баҳисобгирии муҳоҷиратӣ баъд аз гирифта шудани раводиди нав ба муҳлати амали раводиди бисёркарата дар ҷойи будубоши (истиқомати) шаҳрванди хориҷӣ тамдид карда мешавад. Ҳуҷҷатҳо барои тамдиди баҳисобгирии муҳоҷиратиро рӯзи дигари корӣ баъд аз гирифтани раводиди нав супоридан лозим аст.

Агар аз шумо барои будубош дар ҳудуди Россия раводид талаб карда нашавад, баҳисобгирии муҳоҷиратӣ метавонад ба муҳлати то 1 сол аз санаи вуруд ба Россия тамдид карда шавад. Барои дарозкунии баҳисобгирии муҳоҷиратӣ ба шумо омода кардани пакети пурраи ҳуҷҷатҳо ва супоридани он на дертар аз 30 рӯзи тақвимӣ то анҷоми муҳлати аввалияи хабарнома дар бораи омадан зарур аст. Агар шумо дар хобгоҳ истиқомат кунед, ба коменданти хобгоҳ муроҷиат кунед. Агар шумо дар утоқи иҷоравӣ истиқомат кунед, ба соҳибмулк ё ки иҷорадиҳандаи манзили истиқоматӣ муроҷиат кунед - тамдиди баҳисобгирии муҳоҷиратӣ дар шӯъбаҳо оид ба масъалаҳои муҳоҷиратии мақомоти ҳудудии ВКД Россия дар сатҳи ноҳиявӣ ба амал бароварда мешавад.

МУҲИМ АСТ! Бо тамдиди баҳисобгирии муҳоҷиратӣ инчунин корти муҳоҷиратӣ низ бояд тамдид карда шавад. Пайгирӣ намудани муҳлати амали ҳуҷҷатҳои шумо ва пешакӣ омода кардани пакети ҳуҷҷатҳо барои супориданро хоҳиш мекунем.

Тартиби вуруди донишҷӯён-шаҳрвандони хориҷӣ ба ҳудуди Федератсияи Россия дар шароити пандемия:

Донишҷӯён-шаҳрвандони хориҷии барои омӯзиш дар донишгоҳҳои вилояти Оренбург меоянд, ба COVID-19 бо усули ПЦР ду маротиба санҷида мешаванд – на камтар аз се рӯзи корӣ то омадан ба ҳудуди Федератсияи Русия ва дар давоми 72 соат баъд аз вуруд ба ҳудуди Федератсияи Русия.

Ҳуҷҷатҳои тиббии тасдиқкунандаи натиҷаи манфии санҷиши ПЦР, ки то ва баъд аз вуруд ба ҳудуди Федератсияи Русия гирифта шудаанд, метавонанд дар забони русӣ ва англисӣ пешкаш карда шаванд.

То гирифта шудани натиҷаҳои тадқиқоти озмоишӣ ба COVID-19 бо усули ПЦР баъд аз омадан ба ҳудуди Федератсияи Россия тартиби изолятсия риоя карда мешавад.

Ҳамин тариқа, донишҷӯён-шаҳрвандони хориҷӣ ба ҷараёни таҳсил танҳо ҳангоми мавҷудияти ду натиҷаи манфии санҷиш ба COVID-19 бо усули ПЦР роҳ дода мешаванд.

Баҳисобгирии муҳоҷиратӣ ҳангоми ивазшавии ҷойи будубош ва/ё ки саёҳатҳо дар кишвар

Ҳамаи меҳмонхонаҳо, отелҳо ва хостелҳои Россия ӯҳдадоранд, ки шаҳрвандони хориҷии дар онҳо истодаро ба қайди муҳоҷиратӣ гузоранд, ҳатто агар меҳмон ҳамагӣ ба як шаб омада бошад ҳам. Ҳамин тариқа, агар шумо дар меҳмонхона ё ки хостел истед, талони ҷории баҳисобгирии муҳоҷиратии шумо дар хобгоҳ ё ки утоқ ба таври худкор бекор карда мешавад. Баъд аз баргаштан ба қайди муҳоҷиратӣ гузоштан дар ҷойи будубошро такроран ба қайд гузоштан лозим аст.

Дар ҳолати госпитализатсия баъзе муассисаҳои тиббӣ ба қайди муҳоҷиратӣ дар ҷойи будубош гузоштанро ба расмият медароранд. Қабл аз тарк кардани муассисаи тиббӣ баъд аз ҷавоб шудан, ҳатман аз кормандони муассисаи тиббӣ оиди факти ба қайди муҳоҷиратӣ гузоштанро муайян кунед - ба шумо талони нави қайди муҳоҷиратӣ медиҳанд.

Ба кор дохил шудан:

Шаҳрвандони хориҷӣ ҳуқуқи ба амал баровардани фаъолияти меҳнатиро дар он ҳолат доранд, ки агар онҳо ба синни ҳаждаҳсолагӣ расида бошанд, бо шарти мавҷуд будани иҷозатнома ба кор ё ки патент.

Вале, тартиби нишондодашуда ба донишҷӯёни хориҷии :

• иҷрокунандаи корҳо (хизматрасонанда) дар давоми таътил;

• коркунанда дар вақти озод аз таҳсил дар ташкилотҳои таълимӣ, ки дар онҳо таҳсил мегиранд;

• дар вақти холигӣ аз таҳсил коркунанда паҳн намешавад.

Донишҷӯён - шаҳрвандони Қазоқистон, Қирғизистон, Арманистон, Беларус ҳуқуқи кор кардан бе патент ва бе иҷозатнома ба корро дар вақти дилхоҳ доранд (асос - шартнома дар бораи ИИАО).

Проект реализован с использованием гранта на развитие гражданского общества, предоставленного департаментом молодежной политики Оренбургской области

АНО «Содружество народов Евразии»