ОРЕНМИГРАНТ

АНО «Содружество народов Евразии»

Департамент молодежной политики Оренбургской области

Муносибати байниҳамдигарӣ бо политсия

Тафтиши ҳуҷҷатҳо

Дар ҳолати дастгиршавӣ

Қоидаҳои рафтор дар Рссия

Рейдхо

Тафтиши ҳуҷҷатҳо

Танҳо кормандони политсия, ки дар ҳолати иҷроиши ӯҳдадориҳои хизматӣ қарор доранд, ҳуқуқи тафтишкунии ҳуҷҷатҳоро доранд. Онҳо бояд дар либоси политсия ва бо худ нишонаи махсуси сарисинагӣ (жетон) дошта бошанд – рақами онро ба хотир гиред ё ки навишта гиред. Ҳангоми муроҷиат ба Шумо корманди политсия бояд унвон, вазифа, насаби худро гӯяд, бо талаби якуми шумо шаҳодатномаи худро пешниҳод кунад, сабаб ва мақсади тафтиши ҳуҷҷатҳоро фаҳмонад.

Бояд дар хотир дошт, ки гурӯҳи одамони иборат аз се ё ки бештар нафар боиси саволҳои мақомотҳои политсия гардиданаш мумкин аст. Фаҳмидан муҳим аст, ки корманди политсия шуморо дар ҳеҷ чиз айбдор намекунад, хоҳиши ӯ оиди пешниҳоди ҳуҷҷат шаъни шуморо паст намезанад.

Нужно всегда носить при себе:

• шиноснома;

• корти муҳоҷиратӣ;

• хабарнома дар бораи ба қайди муҳоҷиратӣ гузоштан (қайд);

• патент ба кор бо расидҳо оиди пардохт гардидани пешпардохтҳои андозӣ;

• полиси амалкунандаи суғуртаи ихтиёрии (ДМС) ё ки ҳатмии (ОМС) тиббӣ.

Ҳатман нусхаҳои ҳамаи ин ҳуҷҷатҳоро кунед ва онҳоро дар алоҳидагӣ аз нусхаҳои аслӣ нигоҳ доред – шумо агар онҳоро гум кунед, барқароркунии онҳо осон мешавад.

Дар корманди политсия оиди ҳақиқӣ будани ҳуҷҷатҳои шумо шубҳа ба миён омаданаш мумкин аст. Дар ин ҳолат ӯ аз Шумо бо ӯ ба нуқтаи наздиктарини политсия барои тафтиши ҳуҷҷатҳо аз махзани маълумотҳо рафтанро хоҳиш мекунад. Агар ин рух диҳад, ба хешовандон ё ки дӯстон занг занед ва хабар диҳед, ки Шумо дар куҷо қарор доред ва бо кӣ суҳбат карда истодаед.

ДАР ХОТИР ДОРЕД ! Додани ришва ҷииноят аст (на танҳо барои корманди политсия, вале барои оне, ки ришваро медиҳад)! Ришва на танҳо пул, вале молҳо, хизматрасониҳо низ буда метавонанд (масалан, корҳои таъмирӣ ва сохтмонии ройгон ё ки бо арзиши пасткардашуда пешкаш гардидаанд).

Дар ҳолати дастгиршавӣ

Дастгиршуда ҳуқуқ ба суҳбати телефониро дорад.

Дар бораи дастгиркунӣ протокол тартиб дода мешавад, ки дар он корманди политсия менависад:

• сана, вақт ва ҷойи тартиб дода шудани протокол;

• вазифа, ному насаби корманди политсия, ки протоколро тартиб додааст;

• маълумотҳо оиди дастгиршуда, сана, вақт, ҷой, асосҳо ва сабабҳои дастгиркунӣ.

Протокол оиди дастгиркуниро корманди политсия, ки онро тартиб додааст, имзо мекунад. Баъд аз ин, агар қоидавайронкуниҳо муайян гарданд, аз ҷониби корманди политсия протокол оиди ҳуқуқвайронкунии махмурӣ бояд тартиб дода шавад.

Агар шумо бо тартиби протокол розӣ набошед, нависед: «Бо протокол розӣ намебошам» ва нишон диҳед, ки барои чӣ. Масалан: «барои он, ки ман амалҳои дар протокол тавсифгардидаро содир накардаам». Агар шумо забони русиро хуб надонед ва ба шумо бо хоҳиши шумо тарҷумонро пешниҳод накунанд, шумо оиди ин дар протокол навишта метавонед: «матни протоколҳо дар забони русӣ намефаҳмам». Инчунин шумо инро дар забони модарӣ навишта метавонед.

Агар шумо имзокунии протоколро рад кунед, корманди политсия ҳатман оиди ин дар протокол сабт мекунад.

Ҳатман ба шумо додани нусхаи протокол дар бораи дастгиркуниро хоҳиш кунед – кормандони политмия инро бо талаботи аввалини шумо бояд иҷро кунанд.

Протокол дар бораи дастгиркунӣ маънои онро надорад, ки шумо бояд ҷарима супоред. Ҷарима танҳо бо қарори суд ё ки сардори мақомоти ҳудудии ВКД Россия дар сатҳи ноҳиявӣ таъин карда шуда метавонад. Шумо бояд шахсан дар баррасии парванда иштирок кунед ва ба даст қарорро дар забони ба шумо фаҳмо гиред.

То ҳалномаи судӣ шаҳрванд наметавонад ба муҳлати бештар аз 48 соат дастгир карда шавад. Дастгиршуда метавонад ҳимоятгарро, инчунин тарҷумонро талаб кунад, агар ӯ забони русиро хуб надонад.

Кормандони политсия ҳуқуқи гирифтани ҳуҷҷатҳоро барои гарави пардохти ҷарима ё ки пардохти дигар гиранд – ин ғайриқонунист!

Агар шуморо ғайриқонунӣ дастгир кунанд, ба Комиссияи ҷамъиятии муоинаи вилояти Оренбург оид ба амаликунии назорати ҷамъиятӣ аз болои таъмини ҳуқуқҳои инсон дар ҷойҳои нигоҳдории маҷбурӣ ва оид ба муосидат ба шахсони дар ҷойҳои нигоҳдории маҷбурӣ қарордошта (ОНК) муроҷиат кунед. Аъзоёни ОНК ҳуқуқи тафтишкунии нигоҳ дошта шудани шаҳрвандони хориҷиро доранд, инчунин ба Шумо ёрии ройгони ҳуқуқӣ расонида метавонанд. Суроғаи ОНК: ш. Оренбург, кӯч. Краснознаменная х. 5.

Агар шуморо ба Маркази нигоҳдории муваққатии шаҳрвандони хориҷӣ (МНМШХ) ҷойгир кунанд, барои зуд барқарор кардани ҳуҷҷатҳои худ мусоидат кунед. Будубош дар МНМШХ то 2 сол дар он ҳолат давом ёфта метавонад, агар шахсият ва шаҳрвандии хориҷиро муайян кардан имконнопазир бошад. Ҳатман бо консулгарии кишвари худ тамос гиред ё ки ба ОНК барои машварати ройгонӣ ҳуқуқӣ муроҷиат кунед.

Рейдхо

Ҳуҷҷатҳои шуморо дар рафти рейдҳои махсус тафтиш карда метавонанд. Кормандони политсия шиноснома, корти муҳоҷиратӣ, хабарнома оиди ба қайди муҳоҷиратӣ гузоштан (қайд), полиси тиббиро тафтиш мекунанд. Инчунин, мутобиқати ҷойи аслии кор ва вазифаро бо маълумотҳои дар ҳуҷҷатҳо нишондодашудро тафтиш мекунанд.

Аз рӯи натиҷаҳои тафтишот кормандон санад ва агар қоидавайронкуниҳо муайян карда шаванд, протокол дар бораи ҳуқуқвайронкунии маъмурӣ ё ки бозкунии парванда дар бораи ҳуқуқвайронкунии маъмурӣ тартиб медиҳанд. Як нусхаи санад ё ки протоколро ҳатман бояд ба гумонбаршаванда диҳанд.

Протокол дар бораи ҳуқуқвайронкунии маъмурӣ дар соҳаи муҳоҷират метавонад танҳо аз ҷониби кормандони политсия тартиб дода шавад.

Тартибдиҳии протокол маънои онро надорад, ки шумо бояд ҷарима пардохт кунед. Ба шумо бояд қарор аз рӯи парванда дар бораи ҳуқуқвайронкунии маъмуриро диҳанд, ки шумо аз болои он дар давоми 10 рӯз дар суд шикоят карда метавонед.

Шикоят оид ба амали кормандони политсия

Агар кормандони политсия ҳуқуқҳои шуморо вайрон кунанд, қабул кардани аризаро рад кунанд, ӯҳдадориҳои худро иҷро накунанд, ришва талаб кунанд ё ки зӯроварӣ татбиқ кунанд, шумо барои ёрӣ ба Раёсати ВКД Россия дар вилояти Оренбург, Прокуратураи вилояти Оренбург, ба Ваколатдор оид ба ҳуқуқҳои инсон дар вилояти Оренбург шикоят карда метавонед.

Қоидаҳои рафтор дар Рссия

Агар шумо шоҳид ё ки қурбонии ҷиноят гардед, ба политсия муроҷиат кунед: 02 – аз телефони статсионарӣ «102» ё ки «112» – аз телефони мобилӣ.

Ҳар як шаҳрванди хориҷии дар Федератсияи Россия қарордошта, бояд қонунҳо, одатҳо ва оинҳои кишвари будубошро бояд риоя ва эҳтиром кунанд! Бо онҳо то вуруд ба Россия бояд шинос шуд.

Вазифаи кормандони политсия – нигоҳдории тартиботи ҳуқуқӣ, риояи ҳуқуқ ва озодиҳои шаҳрвандон новобаста аз миллат, мансубияти миллӣ, халқӣ, динӣ ва ғайра мебошад.

Қоидаи асоситарин барои ҳамаи одамон – эҳтиром ба якдигар.

Ҳамаи одамон, ба фарқиятҳои халқиятӣ: миллат, забон, намуди зоҳирӣ, одатҳои миллӣ ва хусусиятҳои рафтори худ, қоидаҳои умумии рафторро бояд риоя кунанд. Дар кишвари мо хафа ё ки ҳақорат кардани касе аз рӯи принсипи миллӣ ё ки динӣ мумкин нест. Ин яке аз қоидаҳои асоситарини муоширати одамон аст.

Меҳмонони вилояти Оренбург бояд тарзи ҳаёти аҳолии маҳаллиро эҳтиром кунанд, пуртоқат бошанд, дашном надиҳанд, баландназарӣ ё ки беаҳмиятӣ нисбати маданияти маҳаллӣ зоҳир накунанд, ба гуфторҳои ҳақоратомез нисбати роҳбарони кишвари будубош роҳ надиҳанд.

Қоидаи асосии рафтор дар кӯча – ин наофаридани ноқулайиҳо ва нороҳатиҳо ба атрофиён аст. Ҳангоми ҳаракат дар кӯчаҳои шаҳр дар тарафи рост бояд истод. Ҳангоми пиёда роҳ гаштан кӯшиш кунед, ки ба атрофиён нарасед. Ба одамони гузашта рафта истода нигоҳ накунед, инчунин ба намуди зоҳирии онҳо шарҳ надиҳед. Кӯшиш кунед, ки диққати атрофиёнро бо суҳбати хеле баланд тавассути телефон ё ки бо якдигар ҷалб накунед.

Барои нӯшидани машрубот ва сигоркашӣ дар ҷойҳои ҷамъиятӣ, инчунин партофтани партовҳо дар ҷойи иҷозатдоданашуда шаҳрвандон, инчунин хориҷиён метавонанд ба ҷавобгарии маъмурӣ кашида шаванд.

Дар Россия паҳнкунии нос ва дигар моддаҳои нашъадор дар мақсадҳои ғайритиббӣ манъ аст. Духтурон носро ҳамчун намуди хатарноки моддаҳои мухаддир эътироф карданд, он ба одаткунӣ оварда мерасонад, сабаби раки шуш, даҳон, гулӯ ва меъда мегардад. Оқибатҳои истеъмолкунӣ дарди сар, аз ҳуш рафтан ва безурётӣ мебошанд.

Донистан муҳим аст, ки ҳангоми набудани волидайн бо бачагони бегона муошират кардан, инчунин зоҳир намудани диққат ҳатто бо ниятҳои худ мумкин нест.

Ҳангоми дар нақлиёти ҷамъиятӣ будан, саросема нашавед, атрофиёнро тела надиҳед, ба калонсолон, одамони имконияташон маҳдуд, занони ҳомиладор ва кӯдакон ҷой диҳед. Ба нақлиёти ҷамъиятӣ дар либос ва пойафзоли ифлос даромадан беҳурматӣ аст. Кашонидани ашёҳои рангкунанда, шикофкунанда, буранда нашояд, ки бо онҳо ягон нафарро аз мусофирон ифлос ёки захмдор кардан мумкин аст.

Ҳамеша бо атрофиён хушмуомила бошед! Дар хотир доред, ки аз рӯи рафтор ва намуди зоҳирии шумо оиди кишвари мо фикр мекунанд!

Алоқаҳои муҳим

Раёсати ВКД Россия дар вилояти Оренбург:

Раёсати оид ба масъалаҳои муҳоҷирати РВКД Русия дар вилояти Оренбург:

  • Оренбург, пер. Матросский, д. 19
  • душанбе-ҷумъа аз 9:00 то 18:00, танаффуси нисфирӯзӣ аз 13:00 то 14:00
  • 8 (3532) 79-54-04
  • 56.мвд.рф

Бахши МФДФ «Хадамоти шиносномадиҳӣ-раводидӣ» ВКД Россия дар вилояти Оренбург:

Прокуратураи вилояти Оренбург:

Прокурори навбатдор:

МХД «Маркази бисёрфунксионалии пешниҳодкунии хизматҳои давлатӣ ва мунисипалии вилояти Оренбург»:

Проект реализован с использованием гранта на развитие гражданского общества, предоставленного департаментом молодежной политики Оренбургской области

АНО «Содружество народов Евразии»