ОРЕНМИГРАНТ

АНО «Содружество народов Евразии»

Департамент молодежной политики Оренбургской области

Ҷавобгарӣ барои вайронкунии қонунгузории Федератсияи Россия

Вайрон кардани қонунгузории миграционного

Ҷавобгарӣ барои ифротгароӣ ва терроризм

Вайрон кардани қонунгузории миграционного

Барои вайронкунии қонунҳо дар соҳаи муҳоҷират аз ҷониби шаҳрвандони хориҷӣ ҷавобгарии қатъӣ пешбинӣ гардидааст. Шумо бояд талаботи қонунгузории Россияро қатъӣ риоя кунед ва аз қоидавайронкуниҳои дилхоҳ эҳтиёт бошед!

Иҷозат надодани вуруд ба Россия

Шуморо ба ФР иҷозат надода метавонанд, агар шумо дошта бошед: полиси суғуртавии тиббӣ, ё ки доғи судии пӯшиданашуда, ё ки ҳисобномаҳо, андозҳо ё ки ҷаримаҳои пардохтнагардида дошта бошед.

Вуруд ба ФР ба 3 сол манъ карда мешавад, агар:

• шумо дар Россия бе расмиятдарории ҳуҷҷатҳо ба кор бештар аз 90 шабонарӯз ҷамъ дар давоми давраи 180 шабонарӯз қарор дошта бошед;

• 2 ё ки бештар ҳуқуқвайронкунии дилхоҳи маъмуриро содир кардаед ва барои ин дар давоми 3 сол ба ҷарима кашида шудаед;

• муҳлати будубоши қонунӣ дар ФР-ро бештар аз 30 шабонарӯз гузаронидед.

Вуруд ба ФР ба 5 сол манъ карда мешавад, агар:

• ба ҷавобгарии маъмурӣ барои вайронкунии тартиби муҳоҷиратӣ 2 ва бештар маротиба дар давоми 1 сол кашида шудаед;

• дар ФР аз 180 то 270 шабонарӯз ғайриқонунӣ будубош доштед аз лаҳзаи берункунӣ аз РФ.

Вуруд ба ФР ба 10 сол манъ карда мешавад, агар шумо:

• дар ФР бештар аз 270 шабонарӯз ғайриқонунӣ будубош.

Агар шумо ба миёнравон ҳангоми ба қайди муҳоҷиратӣ гузоштан ё ки ҳангоми ба кор расмӣ кунонидан муроҷиат карда бошед, ба шумо ҳуҷҷатҳои қалбакӣ карда метавонистанд, ва шумо таҳти амали таъқиқи вуруд ба ФР афтида метавонед!

Оиди он, ки ба шумо таъқиқ ба вуруд аз ҷониби муҳоҷират гузошта шудааст ё не, дар намояндагиҳои ширкатҳои ҳавопаймоии Россия ё ки дар сомонаи РВКД Россия дар вилояти Оренбург (56.мвд.рф) донистан мумкин аст.

Агар шуморо аз ҳисоби давлат депортатсия ё ки хориҷ карда бошанд – шумо ин хароҷотро бояд ҷуброн кунед, вагарна шуморо ба кишвар ҳатто баъди ба анҷом расидани муҳлати таъқиқ роҳ намедиҳанд.

Бекор кардани манъи вуруди

Таъқиқ ба вуруд ба Россия дар ин ҳолатҳо бекор карда шуда метавонад:

• агар шумо исбот кунед, ки аз Россия дар муҳлатҳои дар қонун муайянгардида аз сабаби беморӣ, муоинаи хешованди бемор ё ки дигар ҳолатҳои фавқулодда баромада рафта натавониста бошед;

• агар аъзоёни оилаи шумо – шаҳрвандони ФР бошанд (шавҳар/зан, кӯдакон);

• авфи муҳоҷиратӣ – шарт ва муҳлатҳои гузаронидани авфҳо аз ҷониби қарордодҳо байни ФР ва кишварҳои баромад муайян карда мешавад;

• агар қарор саҳван бароварда шуда бошад;

• гузаштани муҳлати иҷозат надодан ба вуруд;

• бартарафкунии сабабҳои иҷозат надодан ба вуруд.

Қарор дар бораи иҷозат надодан ба вуруд ба Федератсияи Россияро бо муроҷиат кардан ба мақомоте, ки қарорро баровардааст, бо назардошти мансубияти ҳудудӣ бекор кардан мумкин аст.

Ариза дар бораи аз нав баррасӣ намудани таъқиқ ба вурудро дар намуди электронӣ, бо истифода аз шакл дар сомонаи ВКД Россия (мвд.рф/геquest_main) фиристодан, ё ки ба Раёсат оид ба масъалаҳои муҳоҷирати РВКД Россия дар вилояти Оренбург, ё ки ба шӯъбаи дигари политсия, ки қарор оиди таъқиқи вуруд ба Россияро баровардааст, додан мумкин аст. Ба ариза ҳуҷҷатҳои тасдиқкунандаи асос барои бекоркунии таъқиқ ба вурудро илова кардан лозим аст: шаҳодатнома дар бораи таваллуди кӯдакон-шаҳрвандони ФР, шаҳодатнома дар бораи ақди никоҳ, маълумотнома дар бораи беморӣ ва ғайра.

Радкунии аз нав баррасӣ намудани таъқиқи вуруд ба РФ-ро дар суд дар ҷойи будубоши Раёсати оид ба масъалаҳои муҳоҷират, ки вурудро манъ кардааст, шикоят кардан мумкин аст. Аризаи даъвогиро шахсан ё ки бо ёрии намояндаи қонунӣ ё ки адвокат додан мумкин.

Ҷавобгарии маъмурӣ

Аз шумо дар ҳаҷми 5000-7000 рубл ҷарима ситонида ва аз Россия берун карда метавонанд, агар шумо:

• қайдро (хабарнома оиди ба қайди муҳоҷиратӣ гузоштан) ба расмият надароварда бошед;

• ҳангоми дастгирӣ аз ҷониби политсия ҳуҷҷатҳои зарурӣ надошта бошед;

• дар корти муҳоҷиратӣ мақсади бардурӯғи вурудро нишон дода бошед;

• бе ҳуҷҷатҳои зарурӣ ё ки на дар тахассуси дар патент нишондодашуда кор карда бошед;

• ҳангоми ба қайди муҳоҷиратӣ гузоштан маълумотҳои бардурӯғро нишон дода бошед.

Ҷазо барои ҳуқуқвайронкуниҳои маъмурӣ дар соҳаи муҳоҷиратро суд муайян мекунад. Дар маҷлиси судӣ Шумо ҳуқуқи истифода бурдан аз хизматрасониҳои ҳимоятгарро доред. Бо талаботи шумо ба Шумо бояд тарҷумонро пешниҳод кунанд. Қарори суд бояд ба шумо дар забони ба шумо фаҳмо пешниҳод карда шавад. Шумо аз болои қарори суд дар давоми 10 шабонарӯз аз лаҳзаи гирифтани қарори хаттӣ шикоят карда метавонед.

Берункунӣ аз Россия бо роҳи баромади мустақилона мумкин аст – аз ҳисоби шаҳрванди хориҷа бо огоҳкунии РММ ВКД ФР дар вилояти Оренбург.

Агар шумо ҳуҷҷатҳои тасдиқкунандаи шахсият ё ки қайд надошта бошед, ё ки шумо ҳуқуқвайронкуниро такроран содир карда бошед, суд оиди ҷойгир кардани шумо ба МНМШХ (маркази нигоҳдории муваққатии шаҳрвандони хориҷӣ) қарор бароварда метавонад.

Агар шуморо ба МНМШХ ҷойгир кунанд – барои ба таври максималӣ зудтар барқарор кардани ҳуҷҷатҳои худ мусоидат намоед: будубош дар МНМШХ метавонад то 2 сол дар ҳолате давом ёбад, агар муайянкунии шахсият ва шаҳрвандии хориҷа имконнопазари бошад. Ҳатман бо сафоратхона ё ки консулгарии кишвари худ тамос гиред.

Суроғаи МНМШХ Шӯъбаи ВКД Россия дар ноҳияи Беляево: ноҳияи Беляев, деҳаи Алабайтал, кӯч. Камчатка, х. 5. Телефон: 8 (3532) 79-50-31, 79-50-32.

Ҳангоми ҷойгиркунӣ ба МНМШХ ба шумо Комиссияи муоинаи ҷамъиятӣ (ОНК) ёрӣ дода метавонад. Суроғаи ОНК: ш. Оренбург, кӯч. Краснознаменная х. 5. Аъзоёни ОНК ҳуқуқи тафтишкунии нигоҳ дошта шудани шаҳрвандони хориҷиро доранд, инчунин ба Шумо ёрии ройгони ҳуқуқӣ расонида метавонанд.

Ҷавобгарии ҷиноятӣ

Барои истифодабарии ҳуҷҷатҳои қалбакӣ ва омодакунии онҳон шаҳрвандони хориҷӣ ҷавобгарии ҷиноӣ доранд.

Қалбакисозии ҳуҷҷат бо маҳрумнамоӣ ё ки маҳдудкунии озодӣ ба муҳлати то 2 сол ҷазо дода мешавад. Истифодабарии ҳуҷҷатҳои қалбакӣ бо ҷарима то 80 ҳазор рубл ё ки ҳабс ба муҳлати то 6 моҳ ҷазо дода мешавад.

Убури сарҳади ФР аз ҷониби шаҳрванди хориҷӣ, ки ба ӯ оиди таъқиқи нисбати ӯ баровардашуда маълум аст, бо маҳрумнамоӣ аз озодӣ ба муҳлати то 4 сол ё ки ҷарима дар андозаи то 300 ҳазор рубл ҷазо дода мешавад.

Ҷавобгарӣ барои ифротгароӣ ва терроризм

Барои ба амал баровардани фаъолияти экстремистӣ дар Федератсияи Россия ҷавобгарии ҷиноӣ ва маъмурӣ пешбинӣ гардидааст.

Ҷавобгарии маъмурӣ барои ҳуқуқвайронкуниҳои табиати маъмуридошта:

• ташвиқот ё ки намоиши оммавии нишонаҳо ё ки аломатҳои натсистӣ, ё ин ки нишонаҳо ё ки аломатҳои ташкилотҳои экстремистӣ, ё ин ки нишонаҳо ё ки аломатҳои дигар, ташвиқот ё ки намоиши онҳо бо қонунҳои Россия манъ карда шудааст (ҷарима, ё ин ки ҳабс ба муҳлати 15 шабонарӯз);

• барангехтани адоват ё ки душманӣ, яъне пастзании шаъни инсон (ҷарима, ё ки ҳабс ба муҳлати то 15 шабонарӯз);

• истеҳсолот ё ки паҳнкунии маводҳои экстремистӣ (ҷарима ё ки ҳабс ба муҳлати то 15 шабонарӯз).

Ҷавобгарии ҷиноӣ барои содир кардани ҷиноятҳои табиати террористидошта:

• содиркунии амалиёти террористӣ (маҳрумнамоӣ аз озодӣ ба муҳлати аз 10 то 20 сол ё ки маҳрумнамоии умрбод аз озодӣ);

• мусоидат ба фаъолияти террористӣ (маҳрумнамоӣ аз озодӣ ба муҳлати аз 8 то 20 сол бо ҷарима дар андозаи то 1 миллион рубл ё ки умрбод маҳрумнамоӣ аз озодӣ);

• даъватҳои оммавӣ барои ба амал баровардани фаъолияти террористӣ ё ки сафедкунии оммавии терроризм (ҷарима то 1 миллион рубл ё ки маҳрумнамоӣ аз озодӣ ба муҳлати аз 2 то 7 сол);

• гаравгон гирифтан (маҳрумнамоӣ аз озодӣ ба муҳлати аз 5 то 20 сол ё ки маҳрумнамоии умрбод аз озодӣ);

• хабардиҳии бардурӯғ оиди амалиёти террористӣ (ҷарима дар андозаи то 2 миллион рубл ё ки маҳрумнамоӣ аз озодӣ ба муҳлати то 10 сол);

• ташкили тӯдаи ғайриқонунии мусаллаҳ ё ки иштирок дар он (маҳрумнамоӣ аз озодӣ ба муҳлати аз 8 то 20 сол).

Ҷавобгарии ҷиноӣ барои содир кардани ҷиноятҳои самти экстремидошта:

• даъватҳои оммавӣ барои ба амал баровардани фаъолияти экстремистӣ (маҳрумнамоӣ аз озодӣ ба муҳлати то 5 сол);

• барангехтани адоват ё ки душманӣ, яъне пастзании шаъни инсон (маҳрумнамоӣ ба муҳлати то 6 сол);

• ташкили ҷамъияти экстремистӣ (маҳрумнамоӣ аз озодӣ то 12 сол).

• такшилкунии фаъолияти ташкилоти экстресмистӣ (маҳрумнамоӣ аз озодӣ то 10 сол);

• маблағгузории фаъолияти экстремистӣ (маҳрумнамоӣ аз озодӣ то 10 сол).

Агар ба шумо касе бо суҳбатҳо дар бораи исломи радикалӣ муроҷиат кунад, иштирок кардан дар вохӯрӣ ё ки хондани ҷаридаҳо ва китобҳо дар бораи ҷараёнҳои ғайриоинии динро пешниҳод кунад, ё ки ба шумо оиди ҷиноят ё ки фаъолияти террористии омодашудаистода маълум гардад, дарҳол оиди ин ба Хадамоти федералии амният (ФСБ) тавассути телефони федералии 8-800-224-22-22 (занг дар ҳудуди Россия ройгон) ё ки ба Раёсати ФСБ дар вилояти Оренбург.

Алоқаҳои муҳим

Раёсати ВКД Россия дар вилояти Оренбург:

Ваколатдор оид ба ҳуқуқҳои инсон дар вилояти Оренбур:

Раёсати ФСБ дар вилояти Оренбург:

Прокуратураи вилояти Оренбург:

Прокурори навбатдор:

Проект реализован с использованием гранта на развитие гражданского общества, предоставленного департаментом молодежной политики Оренбургской области

АНО «Содружество народов Евразии»